Dy aksidente në autostradën “Ibrahim Rugova”, lëndohen disa persona

Indeksonline ka raportuar më herët për një aksident në në autostradën ‘Ibrahim Rugova’, saktësisht në dalja e autostradës Veternik – Bresje 3.

Këtë për Indeksonline e ka konfirmuar zëdhëndës polici, Daut Hoxha, ku njoftoi që në këtë pjesë të rrugës kanë ndodhur dy aksidente të përfshira disa vetura.

Hoxha, ka bërë të ditur se nga këto aksidente ka edhe persona të lënduar ky janë dërguar për trajtim mjekësor.

“Sonte ne oret e mbremjes eshte raportuar per nje aksident trafiku ne autostraden “Ibrahim Rugova” dalja e autostrades Veternik – Bresje 3.

Policia e Kosoves, konkretisht njesitet kompetente policore kane dal ne vendin e aksidentit dhe jemi njoftuar se behet fjale per dy aksidente ne te njetin lokacion dhe jane te perfshira disa automjete. Ne kete faze raportohet per disa te lenduar dhe te njejtit jane percjell per trajtim mjeksor. Per gjendjen e tyre mund te ju adresoheni sherbimeve emergjente”, ka thënë Hoxha për Indeksonline.

Indeksonline ka siguruar pamje të njërit nga aksidentet, ku janë të përfshirë një veturë me targa të Shqipërise, një pikap dhe një kamionetë./Indeksonline/