E turpshme, shkatërrohet qëllimisht ndriçimi publik në Suharekë
Persona të papërgjegjshëm kanë shkatërruar shtyllat e ndriçimit publik në Suharekë. Lajmin e ka dhënë kryetari i komunës, Bali Muharremaj.
Kjo vepër e ulët ka ndodhur tek shtigjet e ecjes në Suharekë, zonë në të cilën ka patur investime të vazhdueshme.
“Ndriqimi është dëmtuar rëndë në disa shtylla tek Shtigjet e Ecjes në Suharekë.
Persona të pandërgjegjshëm po e dëmtojnë qëllimisht pronën publike, dhe hapsirat të cilat i shfrytëzojnë qytetarët për shëndetin e tyre.
Apeloj tek organet kompetente sidomos tek Policia, që të patrullohet më shumë tek kjo zonë që ta ruajmë ambientin tonë” shkruan Muharremaj në njoftim./Indeksonline/