Erdogan paralajmëron: Lufta me Iranin po nis “ta dobësojë” Evropën

Presidenti turk Rexhep Tajip Erdogan tha se lufta në Iran po nis ta “dobësojë Evropën” gjatë një telefonate me presidentin gjerman, Frank-Walter Steinmeier.

Një postim në mediat sociale nga zyra e Erdoganit tha se të dy udhëheqësit folën në telefon të mërkurën, duke diskutuar marrëdhëniet midis dy vendeve dhe luftërat e vazhdueshme në Iran dhe Ukrainë, shkruan BBC-i.

“Presidenti Erdogan vuri në dukje se lufta në rajonin tonë filloi ta dobësojë edhe Evropën dhe se nëse kjo prirje nuk do të adresohej me një qasje të orientuar drejt paqes, dëmi i shkaktuar nga periudha e konfliktit do të ishte shumë më i madh”, thuhet në postim.