Familjarët kërkojnë ndihmë për Melisa Bytyçin

Melisa Bytyçi, 18 vjeçarja nga fshati Nishor i Suharekës, ra nga kati i 5-të i banesës ditën e 24 janarit.

Nga ajo ditë ajo ka pranuar trajtim mjekësor, së pari në QKUK në Prishtinë për tri javë, e pastaj në spitalin shtetëror të Shkupit.

Megjithatë, shpenzimet për trajtim të metutjeshëm të saj, përfshirë dhe intervenimet kirurgjikale, janë bërë të papërballueshme për prindërit e Melisës.

Babai i saj, Safet Bytyçi kërkon ndihmën e të gjithë atyre që kanë mundësi, për të ndihmuar Melisën të shërohet.

Ndihmat mund të dërgohen në xhirollogarinë: XK05 1502040002940241, SWIFT: RBKOXKPR.

Ky është shkrimi i plotë i babait të Melisës:

Përshëndetje miqë dhe familjarë.

Po ju shkruaj nga zemra për rastin e rende te vajzës sime Melisa Bytyçi 18 vjeqare, e rënë nga kati i 5-të me 24 Janar 2022. Vajza ime ne fillim u trajtua në spitalin shtetëror në Prishtine për 3 javë (nën kujdesin intensiv dhe ortopedi).

Por Melisa ka pasë probleme dhe thyerje shume të rënda në trup, të pamundshme për tu operuar dhe trajtuar në Kosovë. QKUK na ka udhëzuar për trajtim URGJENT jasht vendit.

Melisa po trajtohet në spitalin shtetëror të Shkupit nën kujdesin e mjekut kryesor dr. Ilir Hasanit që nga data 14 Shkurt dhe ende po vazhdon trajtimin atje . Fatura që përfshin operimet dhe trajtimin e Melisës ka kaluar vlerën e 25500 euro, ne prindërit e Melisës jemi të pa punë edhe kjo shumë është e pabërballueshme për neve për ta mbuluar.

Deri më tani ja kemi dale disi me ndihmën e rrethit të gjerë familjar por Melisa ka nevoje edhe per disa ndërhyrje shtesë për përfundimin e të cilave po duhet paraprakisht të mbyllet fatura prej 25500 euro të cilën ne e kemi të pamundur për ta siguruar dhe rasti kërkon urgjencën e reagimit.

Më poshtë mund ta shihni diagnozën, raportin dhe fletëlëshimin e QKUK-së.

Ju lus nga zemra secili  që ka mundësi të dhuroj aq sa mundet për vajzën tonë dhe paraprakisht ju falenderoj shumë të gjithëve.

Prindërit e Melisës, Ganimete Bytyçi dhe Safet Bytyçi 049800977

IBAN LLOGARIA: XK05 1502040002940241

SWIFT: RBKOXKPR