Familjarët marrin nesër raportin e Institutit Zviceran të Mjekësisë Ligjore për vdekjen e Astrit Deharit

Familjarët bashkë me avokatin Tomë Gashi nesër do të marrin raportin e Institututit Zviceran të Mjekësisë Ligjore për vdekjen e Deharit.

Kjo gjë u bë e ditur nga Gashi,  i cili deklaroi se raporti do të merret në ora 10:00 në Prokurorinë Themelore në Prizren, shkruan Indeksonline.

Ndryshe ditë më parë Kryeprokurori i Prokurorisë Themelore në Prizren, Admir Shala tha se raporti u jepet familjarëve menjëherë pas përkthimit urgjent në gjuhën shqipe.

“Sot e kemi dërguar për përkthim dhe në momentin që përkthehet në dy gjuhë do ua japim. Pra, do t’u jepet familjarëve dhe do të bëhet publike për opinionin. Do ta kenë edhe origjinalin. Besoj se fillimin e javës do të bëhet publike”, pati deklaruar ai.

Postimi i plotë i Tomë Gashit:

Neser me 24 .10.19 ne ora 10. Ne Prokurorin Themelore ne Prizren do marrim raportin e Institutit Zvceran te Mjekesis ligjore . Une do te jem aty se bashku me Prindet e Astrit Deharit.