FFK e konfirmon lajmin e Indeksonline: Katër futbollistë dhe një anëtar i stafit të kombëtares U21 kanë rezultuar pozitiv

Federata e Futbollit të Kosovës e kanë konfirmuar lajmin e Indeksonline se katër futbollistë dhe një anëtar i stafit të kombëtares U21 kanë rezultuar pozitiv.

Lojtarët dhe trajneri i kombëtares së Kosovës U21, Rafet Prekazi janë në izolim për momentin, transmeton Indeksonline.

Personat që kanë rezultuar pozitivë sot janë testuar përsëri dhe do ta shohin nëse nesër do të konfirmojnë nëse sërish do të rezultojnë pozitivë.

Komunikata e FFK-së:

Federata e Futbollit e Kosovës njofton opinionin se Kombëtarja U21 dje iu ka nënshtruar testit për Covid-19 dhe sot është njoftuar me rezultatet e testeve.

Me këtë rast katër futbollistë dhe një anëtar i stafit kanë rezultuar pozitiv, por që të gjithë janë asimptomatik dhe mirë me shëndet. Menjëherë pas njoftimit të rezultateve të testeve të gjithë personat që kanë rezultuar pozitiv janë izoluar dhe nuk kanë kontakt me pjesën tjetër të ekipit.

Po ashtu, duhet cekur që Federata edhe më herët i ka marrë të gjitha masat e nevojshme për këtë grumbullim, ku të gjithë futbollistët kanë qenë në dhoma të ndara që nga fillimi.

Personat që kanë rezultuar pozitiv janë ritestuar gjatë ditës së sotme në Institutit Kombëtar të Shëndetësisë Publike dhe janë në pritje të rezultateve për t’u konfirmuar nëse sërish pozitiv.