Fillimi i sezonit të ri në Serie A mund të shtyhet, kjo është arsyeja
Fillimi i sezonit të ri në Serie A i cili do të filloj më 13 gusht, mund të shtyhet për një datë tjetër.
Kështu ka thënë Presidenti i Lega Serie A, Lorenzo Casini, transmeton Indeksonline.
Arsyeja se përse mund të shtyhet fillimi i kampionatit italian në futboll janë temperaturat e larta.
Sezoni në Itali zakonisht fillon fund të gushtit ose në fillim të shtatorit pikërisht për shkak të klimës. Por, sezoni i ri 2022/23 është planifikuar të nisë më herët, pra më 13 gusht – shkaku i Kampionatit Botëror “Katar 2022”, i cili do të zhvillohet nga 21 nëntori deri më 18 dhjetor.
“Shqetësimi i parë është me klimën, sepse nëse temperaturat aktuale vazhdojnë, do të jetë shumë e vështirë të fillohet sezoni më 13 gusht”, tha Casini sot gjatë një vizite në selinë e Udineses .
“Do të jetë një sezon anormal për shkak të pauzës për Botërorin”, shtoi ai./Indeksonline/