Fjalët e Majlindës pas ardhjes në Prishtinë nga Uzbekistani

Pas sukseseve të jashtëzakonshme në Tashkent të Uzbekistanit, xhudistet kosovare janë kthyer në Prishtinë.

Majlinda Kelmendi, Distria Krasniqi, Loriana Kuka dhe Nora Gjakova janë xhudistet që fituan medalje në këtë kompeticion.

Dhe pas arritjes në Aeroportin Ndërkombëtar të Prishtinës, xhudistet kosovare u paraqitën në konferencën për shtyp, transmeton IndeksOnline.

Ndër to foli edhe Majlinda Kelmendi. Xhudistja e famshme tha se i kishte munguar Kosova.

“Më paska marrë malli që të vijë në Kosovë me medalje të artë. Gara ka qenë shumë e fortë dhe jo e lehtë për mua pasi që nuk kam garuar për 1 vit e dy muaj. Gjithçka ka shkuar shumë mirë”.

“E rëndësishme është që si ekip kemi qenë të suksesshme. Tashmë po na krahasojnë me Kubën që ka qenë e suksesshme në xhudo”, tha Majlinda./IndeksOnline/