15:54 / E Hënë, 05 Nëntor 2018

Flamuri i Kosovës në Notre Damme e hallakat Daçiqin

Ambasadori i Kosovës në Francë, Qëndrim Gashi, ka postuar në Twitter flamurin e Kosovës, i cili është vendosur në Katedralen mesjetare Notre Damme de Paris, për të shënuar festimet e përfundimit të Luftës së Parë Botërore.

“Flamuri i Kosovës valon për herë të parë në Notre –Damme de Paris – në kuadër të komemoracionit të përvjetorit të njëqindtë të përfundimit të Luftës së Parë Botërore”, ka shkruar Gashi.

Por, ky postim nuk është pëlqyer nga serbët në rrjetet sociale, ndërkohë që në Serbi ka pasur edhe reagime zyrtare përfshirë edhe ministrin e Jashtëm Ivica Daçiq, i cili e ka quajtur skandal vendosjen e flamurit por e ka pranuar se Beogradi nuk mundet ta ndalë këtë.