Ford paralajmëron të mos përdorim kremra dhe pastrues të duarve në makinë

Tani që vera vec ka ardhur, njerëzit do të fillojnë të përdorin locion dielli dhe pastrues të duarve shumë më tepër. Të cilat janë të mira për shëndetin tonë, por, siç thekson Ford, të këqija për interierin e makinave tona.

Kimikatet e gjetura në këto produkte me sa duket mund të reagojnë me sipërfaqe të caktuara, duke i shkaktuar ato të konsumohen para kohe, përveç nëse ato gjithashtu shfaqin një lloj mbrojtës të vecantë. Sa i përket kësaj, inxhinierët Ford janë në krye të kësaj çështjeje, shkruan IndeksOnline.

“Nga pastruesit e duarve deri te kremrat e diellit ndaj insekteve të pakëndshme, tendencat e konsumatorëve po ndryshojnë vazhdimisht dhe produktet e reja po vijnë në treg gjatë gjithë kohës”, tha inxhinieri i materialeve të Ford, Mark Montgomery.

“Edhe produkti që duket më i parrezikshëm mund të shkaktojë probleme kur vijnë në kontakt me sipërfaqe qindra dhe madje mijëra herë në vit”.

Kureshtar se cilat janë numrat? Hulumtimet tregojnë se tregu europian për sanitatorët e duarve, duke përfshirë xhel, shkumë dhe wipers (shumë prej të cilave përmbajnë etanol), pritet të rritet me 60% nga 371.92 milionë dollarë vitin e kaluar në 593.62 milionë dollarë deri në vitin 2024.

Pastaj keni kremra dielli që përmbajnë sasi më të madhe të oksidit të titanit, të cilat mund të reagojnë me plastikën dhe vajrat natyrore që gjenden në lëkurë, veçanërisht kur ndodhen në temperatura të nxehta.

Inxhinierët e Ford-it kanë bërë testime në temperatura deri në 74 ° C (165 F) dhe në disa raste ato simulojnë ekspozimin ndaj diellit, duke nisur rrezet e dritës ultravjollcë në brendësi të një makine. /IndeksOnline/