19:58 / E Shtunë, 24 Korrik 2021 / M. M

Fshatra të rrafshuar, përmbytjet në Indi shkaktojnë mbi 170 viktima

Përmbytjet në Indi kanë shkaktuar mbi 170 të vdekur. Në shtetin indian të Maharashtrës raportohet se si pasojë e shirave dhe rrëshqitjeve të tokës kanë humbur jetën 136 persona, ndërsa shumë të tjerë janë zhdukur.

Situatë problematike edhe në zonën Taliye në Mumbai, ku numri i të vdekurve arriti ne 42. Shumë fshatra janë rrafshuar, ndërsa ka ende persona të bllokuar që po ndihmohen nga grupet e shpëtimit.

Qeveria njoftoi se ishin shpëtuar mbi 90 000 njerëz nga zonat e prekura nga përmbytja, duke i zhvendosur në zona më të sigurta.