Musliu bën homazhe tek viktimat e luftës në Likoshan e Qirez (Foto)

Deputetja e Kuvendit të Kosovës, Ganimete Musliu, pak para fillimit të seancës së demarkacionit, ka shkuar për homazhe tek viktimat e luftës në Likoshan dhe Qirez, shkruan Indeksonline.

Sot janë bërë gjithsej 20 vite nga kjo ngjarje.

Këtë e ka vërë të ditur vetë Musliu përmes disa fotografive.

Sot bëhen 20 vjet nga fillimi i luftës në Kosovë, e cila nisi në fshatrat e Drenicës, Likoshan dhe Qirez, ku te vendi i quajtur “Te tre lisat” u zhvilluan luftimet mes Ushtrisë Çlirimtare të Kosovës dhe forcave kriminale serbe.

Në luftimet e zhvilluara mbetën të vrarë disa policë serbë. Si pasojë e kësaj, forcat e armikut rrethuan të dy fshatrat ku ekzekutuan 24 civilë të pafajshëm.

Në rrethimin e fshatrave, armiku përdori artileri të rëndë, duke përfshirë helikopterë dhe shumë mjete tjera të blinduara, përfshirë edhe tanke. /Indeksonline/