Gati skena gjigante në Prishtinë ku do të këndojë Rita Ora dhe Ledri Vula
Me rastin e 10 vjetorit të Pavarësisë së Kosovës, në Prishtinë, është organizuar një koncert i madh ku do të marrin pjesë këngëtarja me famë botërore, Rita Ora si dhe reperi më i pëlqyer në shqiptari, Ledri Vula.
Koncerti pritet të nis në ora 20:00 derisa Rita, sipas organizatorëve, do të dal në skenë në ora 22:10.
Ndërkohë, njëri prej përfaqësuesve të organizmit të këtij koncerti, Luan Maloku nga zyra e zëvendëskryeministrit, Fatmir Limaj, ka treguar se pse është zgjedhur Rita dhe Ledri.
“Rita Ora është ambasadorja jonë, se kemi zgjedh rastësisht. Ndërsa e kemi zgjedh edhe një vendor, Ledrin, pasi për momentin është reperi më i mirë shqiptar”, ka thënë ai për RTK-në.
Më poshtë, Indeksonline ua sjellë disa foto ku shihet një teknik e jashtëzakonshme enkas për koncertin në fjalë.
Çdo cep në sheshet e Prishtinës ka zërim dhe ndriçim të veçantë.