Gattuso reagon pas barazimit të Juves me Atalantën

Një fitore e Juventusit kundër Atalantës do ta gjente Milanin në vendin e katërt në tabelë.

Por Zonja e Vjetër vetëm e barazoi ndeshjen dhe fati i skuadrës së Gattusos përveç ndeshjes me Spal varet edhe nga Sassuolo dhe Empoli.

Trajneri italian ende nuk është dorëzuar dhe beson se gjithçka mund të ndodh në xhiron e fundit, shkruan Indeksonline.

“Jemi ende në Europë dhe në luftë për Champions League. Nuk do të varet vetëm nga ne, por nuk do të heqim dorë. Ecim përpara me krenari për të mbyllur sezonin në mënyrën më të mirë të mundshme dhe pozitive“, u shpreh Gattuso për ANSA.

Gara për një vend në Ligën e Kampionëve është shumë e nxehtë për javën e fundit. Atalanta dhe Inter kanë nga 66 pikë, një më shumë se Milani në vendin e pestë. /IndeksOnline/