Gazetarët s’lejohen ta përcjellin nga afër nëse po zbatohet masa e reciprocitetit
Gazetarët nuk janë lejuar të afrohen tek pika kufitare në Merdarë për të parë nga afër nëse po zbatohet marrëveshja e arritur në Bruksel mes Kosovës dhe Serbisë për dokumentet identifikuese.
Kjo marrëveshje u tha se do të hyj në fuqi në orët e para të 1 shtatorit.
Për të përcjell zbatimin në Merdarë do të shkojë edhe ministri i Brendshëm Xhelal Sveçla.
Pala serbe ka pranuar që të mos e lëshojë dokumentin për hyrje/dalje për poseduesit e dokumenteve kosovare me kusht që në të gjitha pikëkalimet kufitare të vendosë tabela ku thuhet se kjo po bëhet për të mundësuar lëvizjen e lirë dhe nuk nënkupton se Serbia e njeh pavarësinë e Kosovës.
Ekipi i Klan Kosovës po qëndron në këtë pikë kufitare për të parë nëse do të zbatohet ujdia e arritur më 27 gusht.