Gent Cakaj takohet me Hotin: Do të punojmë pakursyer për gjendjen e shqiptarëve në Luginë
Ministri i Punëve të Jashtme i Shqipërisë, Gent Cakaj, sot ka takuar kryeministrin e Kosovës, Avdullah Hoti, shkruan IndeksOnline.
Cakaj tha se biseduan për procesin e fshirjes së qëllimshme të adresave të shqiptarëve në Medvegjë, Bujanoc dhe Preshevë.
Ai shtoi se do të punojnë për rritjen e ndjeshmërisë ndërkombëtare për gjendjen e shqiptarëve në Luginë.
Postimi:
Një takim fort i vyer me kryeministrin e Republikës së Kosovës, z. Avdullah Hoti ????!
Biseduam mbi rëndësinë e patjetërsueshme të qasjes së bashkërenduar, mes Republikës së Kosovës dhe Republikës së Shqipërisë, për mbrojtjen e të drejtave të shqiptarëve të Luginës së Preshevës.
Shprehëm shqetësimin e thellë lidhur me procesin e fshirjes së qëllimshme të adresave të shqiptarëve në Medvegjë, Bujanoc dhe Preshevë. Ne do të vazhdojmë të punojmë pakursyer për për rritjen e ndjeshmërisë ndërkombëtare për gjendjen e shqiptarëve në Luginë.
Ndamë të njëjtën pikëpamje se dialogu Kosovë-Serbi duhet të përfundojë me njohjen e Republikës së Kosovës nga Serbia.
#JemiNjë