“Gjermania nuk është si përpara”/ Këngë e valle në zhveshtoren e kuqezinjve të Kombëtares
Kombëtarja e Shqipërisë ka shënuar fitore edhe në miqësoren e sontme ndaj Bullgarisë.
Rezultati përfundimtar i ndeshjes që u zhvillua në “Air Albania” ishte 2:0.
Por, kuqezinjtë e Kombëtares janë akoma me sy kah Europiani, aty ku janë duke shkëlqyer me performancë, raporton Indeksonline.
Pas përfundimit të miqësores, ata kanë hedhur valle në zhveshtore, me një këngë që i dedikohet Gjermanisë, aty edhe ku do të mbahet Europiani.
Jasir Asani ka publikuar video të miqve të tij të skuadrës duke kënduar me zë të madh “Gjermania o vllazën, nuk është si përpara”.
Më pas ia thanë edhe këngës legjendare “Thërret Prizreni mori Shkodër”.
Më poshtë pamje argëtuese nga kampi KuqeZi.