Gjilani reagon pas incidentit në ndeshjen kundër Llapit

Ndeshja Gjilani – Llapi përfundoi me një incident, ku dy persona sulmuan gjyqtarin anësor.

Skuadra vendase është distancuar nga ky veprim dhe ka dënuar ashpër çdo incident të dhunës.

Ky është njoftimi i tyre:

KOMUNIKATË ZYRTARE:

Sport Club “Gjilani” distancohet nga sjelljet e dhunës të ndodhura pas përfundimit të javës së njëmbëdhjetë në Superligën e Kosovës ndaj Llapit.

Klubi dënon ashpër aktet e dhunës të cilat nuk i takojnë dhe nuk i ngjajnë as për së afërmi kulturës së mikëpritjes ndër vite. Ne si klub jemi kategorikisht kundër ç’do akti të dhunës në stadiumet tona dhe se dhuna nuk është mjet i joni për arritjen e qëllimeve të klubit.

Ne ftojmë organet e drejtësisë të merret me rastin dhe presim që të zbardhet sa më parë.

Gjyqtarit në fjalë, komunitetit të gjyqtarëve dhe gjithë opinionit sportive u kërkojmë falje për këto skena të pahijshme dhe premtojmë se do të marrim gjitha masat e duhura që të mos ndodhin asnjëherë tjetër.

SC Gjilani,

23 tetor, 2019