21:02 / E Hënë, 17 Shkurt 2020

Gjumi i dobët bën që të hani më shumë

Gratë që nuk bëjnë gjumë kualitativ kanë tendencë të hanë më shumë dhe të kenë një dietë usdhqimi me cilësi më të ulët, tregon një studim i realizuar së fundmi.

Studiuesit nga Universiteti Columbia në New York,  analizuan kualitetin e gjumit tek 500 gra.

Gjetjet tregojnë se gratë që e kishin më problemarike rënien në gjumë – kishin nevojë për më shumë kohë deri sa t’i zinte gjumi – hanin më shumë kalori çdo ditë.

Ndërsa ato gra që zgjoheshin shpesh gjatë natën kishin tendencë që të hanin ushqime me më shumë yndyrë.

Studiuesit besojnë se mungesa e gjumit cilësor ose shkakton urinë, ose shtyp sinjalet që i tregojnë trurit se stomaku është i mbushur.

Gjetjet e këtij studimi gjithashtu ofrojnë një pasqyrë të re se pse personat që nuk e bëjnë gjumin siç duhet rrezikojnë më shumë nga sëmundjet e zemrës.

Nëse gratë kanë cilësi të keqe të gjumit dhe hanë më shumë si rezultat i kësaj, ka më shumë të ngjarë të jenë mbipeshë – një faktor rreziku për një mori problemesh të zemrës dhe sëmundjeve të tjera.