Gjykata Kushtetuese ka gati vendimin për rritjen e pagave në Qeverinë e Kosovës

Gjykata Kushtetuese shumë shpejt do të dal me vendim për ankesën e Lëvizjes Vetëvendosje për rritjen e pagave në qeveri.

Burime të Indeksonline mësojnë se Gjykata Kushtetuese nuk ka gjetur shkelje kushtetuese në vendimin e qeverisë për rritjen e pagave dhe se do ta hedhë poshtë ankesë e VV-së.

Ankesa e 28 deputetëve të Vetëvendosjes dhe tre të LDK-së ishte bërë në muajin janar me arsyetimin se kryeministri Haradinaj ka marrë veprim të kundërligjshëm për rritjen e pagave.

Pas dorëzimit të ankesës, Qeveria e Kosovës kishte marrë vendim që të pezullohet vendimi deri në një vendim të ri nga Gjykata Kushtetuese./Indeksonline/