Grabitje e armatosur, në qendër të Prishtinës
Një person i maskuar dhe i armatosur ka kryer mbrëmë një grabitje në një barnatore në qendër të Prishtinës.
Policia e Kosovës me të pranuar informacionin ka dalë menjëherë në vendin e ngjarjes, ndërsa i dyshuari ka ikur në drejtim të panjohur.
Sipas policisë, grabitja ka ndodhur në orën 17:00, ndërsa nga grabitësi është marrë një shumë e konsiderueshme e parave.
“Viktima, femër, ka raportuar se derisa ka qenë duke punuar në vendin e punës në barnatore, aty ka hyrë një person i panjohur i maskuar dhe i armatosur, i cili nën kërcënim të armës ka arritur t’i grabiste para të gatshme”, thuhet në raportin e policisë.
Hetimet përkitazi me rastin ende janë duke vazhduar./Indeksonline/