Grabitje me armë si në filma në pikën e karburantit
Pas vrasjes që tronditi Tiranën, një tjetër ngjarje kriminale ka ndodhur mëngjesin e sotëm në Vlorë.
Mësohet se një person i maskuar ka grabitur një shumë të konsiderueshme parash në një pikë karburanti.
Ngjarja ka ndodhur në orën 05:53 të kësaj të premteje në një karburant, në autostradën Vlorë-Fier pranë Novoselës.
Dyshohet se një person i maskuar dhe i armatosur ka shkuar në një karburant në pronësi të shtetasit F.S.
Nën kërcënimin e armës së zjarrit ka marrë disa para dhe është larguar në drejtim të Novoselës. Nuk raportohet për të lënduar.
Uniformat blu janë shpërndarë në terren duke u vënë në kërkim të autorit të ngjarjes.