Greqia s’pranon turistë këtë verë nëse s’janë të vaksinuar për Covid19

Njerëzit të cilët janë vaksinuar kundër Covid-19, kanë antitrupa ose test negativ mund të udhëtojnë në Greqi këtë verë, ka thënë ministri i turizmit Harry Theocharis, shkruan The Guardian, transmeton IndeksOnline.

Turizmi është një fitues i madh i të ardhurave për Greqinë, e cila ka udhëhequr thirrjet për një çertifikatë vaksinimi në të gjithë BE-në për të ndihmuar zhbllokimin e udhëtimeve.

Industria përbën rreth një të pestën e ekonomisë greke dhe punëson një në pesë punëtorë, por arritjet u shembën vitin e kaluar për shkak të pandemisë.

Greqia po synon të nisë sezonin e saj jetësor veror nga mesi i majit, tha Theocharis.

“Turistët do të jenë të mirëpritur nëse para udhëtimit ose janë vaksinuar, ose kanë antitrupa, ose test negativ”, tha ai./IndeksOnline/