Grushte dhe KO, zgjidhet “Raundi më i Bukur i Vitit”
“Ring Magazine”, revista prestigjoze e sportit të boksit, ka zgjedhur raundin e 12-të të duelit mes boksierëve Tyson Fury e Deontay Wilder si “Raundin më të Bukur të Vitit 2018”. Ky duel u zhvillua më 2 dhjetor në Los Anxhelos dhe do të mbahet mend gjatë nga dy boksierët e nga fansat e këtij sporti.
Tyson Fury and Deontay Wilder’s violent round 12 in epic Los Angeles showdown named Round of the Year https://t.co/oAvugkkQb0 pic.twitter.com/gD5xCnvRV6
— MailOnline Sport (@MailSport) December 31, 2018
Në këtë raund, një grusht i fortë i Wilder hodhi “KO” britanikun Fury, që pas disa sekondash coroditje arrin të ngrihet në këmbë, duke habitur të gjithë. Në këtë duel, Fury i rezistoi dy “knockdowns” për të vijuar sfidën ndaj kampionit të botës, sfidë e cila në fund u mbyll në barazim.
Fury, pas këtij dueli, fitoi cmimin si “Rikthimi i Vitit”, ndërsa Wilder arriti të mbrojë titullin kampion bote të peshës së rëndë në kategorinë WBC. Dy boksierët kanë nisur bisedimet për të zhvilluar edhe revanshin për të nxjerrë një fitues. Kjo ishte sfida më e ndjekur e peshës së rëndë në 15 vitet e fundit.