Hadergjonaj pas humbjes ndaj Turqisë: Shumë afër historisë, por e ardhmja është e ndritshme!

Përfaqësuesja e Kosovës pësoi një humbje 0:1 ndaj Turqisë në finalen e playoff-it për kualifikim, duke mos arritur ëndrrën për një vend në turneun ndërkombëtar.

Megjithatë, mbrojtësi Florent Hadergjonaj dërgoi një mesazh optimist pas sfidës.

“Shumë afër historisë… por jo këtë herë. Dhemb, por ne treguam forcën, zemrën dhe identitetin tonë. Nuk e arritëm ëndrrën këtë herë, por dhamë një mesazh të fortë. E ardhmja është e ndritshme. Ky është vetëm fillimi,” tha Hadergjonaj.

Ai shtoi: “Faleminderit të gjithëve për mbështetjen dhe për këto emocione të jashtëzakonshme.”/Indeksonline/