Hajnat në Gjermani vjedhin 44 tonë çokollatë në vlerë 400.000 euro

Dy kamionë në të cilat ishin gjithsej 44 tonë çokollatë janë vjedhur në jug të Gjermanisë, njoftoi sot policia.

Çokollata në vlerë 400.000 euro është vjedhur të premten në parkun industrial në Frajburg.

Njëri kamion është gjetur në afërsi të kufirit gjermano-francez. Vozitësi ka ikur, ndërsa çokollata ka mbetur në kamion.

Kamioni tjetër është gjetur në Lara, po ashtu në afërsi të kufirit me Francën. Nga kamioni janë marrë dy të tretat e çokollatës.

Hajnat ende nuk janë gjetur, transmeton AP./Indeksonline/