Hapet konkursi për shkollim specialistik
Ministria e Shëndetësisë njofton se është hapur konkursi i ri për Shkollim Specialistik, sipas kritereve të parapara me Udhëzimin e ri për Shkollim Specialistik UA 01/2023.
Numri i specializimeve, siç jeni të njoftuar, mbështetet në tri kriteret bazë:
Kuadrin deficitar
Kapacitetet Mentoriale
Kapacitetet infrastrukturore
Konkursi për shkollimin specialistik është në përputhje me standardet bashkëkohore, si dhe në harmoni me nevojat e institucioneve shëndetësore të vendit.
Përmes këtij konkursi, ndahen 359 specializime për lëmi klinike, Mjekësi familjare dhe për nevoja të institucioneve shëndetësore private.
Specializantët që do të pranohen në kuadër të Institucioneve Publike Shëndetësore, do të financohen nga Institucionet përkatëse, sipas kërkesave të tyre drejtuar Ministrisë së Shëndetësisë për nevoja të stafit profesional.
Informacionet shtesë lidhur me konkursin e hapur dhe përmbajtjen e UA të vitit 2023 mund t’i gjeni në web portalin zyrtar të Ministrisë së Shëndetësisë.
Vegëzat ndërlidhëse:
Linku i konkursit të hapur: https://msh.rks-gov.net/Documents/Index/274
Linku i UA 01/2023: https://msh.rks-gov.net/Documents/Index/270
Kandidatët, përveç aplikimit “online”, duhet ta sjellin edhe kopjen fizike të dokumentacionit të kërkuar në Ministrinë e Shëndetësisë, Adresa:
Për çdo informacion, mund të kontaktoni në nr e tel: 03820024031
Si dhe, e-mail adresën: Almira.pacarizi@rks-gov.net