Hapet konkursi vjetor i QKK-së

Qendra Kinematografike e Kosovës ka hapur konkursin për subvencionim të projekteve filmike për vitin 2018.

Përmes një komunikate për media QKK-ja bën të ditur se tashmë filmbërësit kosovarë mund t’i dërgojnë projektet e tyre për tu zhvilluar, shkruan Indeksonline.

“Këshilli Drejtues i QKK-së, në mbledhjen e fundit të mbajtur, ka vendosur të hapë këto konkurse: konkursi për film të metrazhit të shkurtër dhe të gjatë artistik dhe dokumentar, konkursi për film të shkurtër të animuar, konkursi për film debutues të metrazhit të gjatë artistik, konkursi për koproduksion minor për film të metrazhit të gjatë artistik, konkursi për postproduksion për film të metrazhit të gjatë artistik si dhe konkursi për zhvillim skenari për film të metrazhit të gjatë”, thuhet në komunikatën e QKK-së.

Sakaq bëhet e ditur se afati i fundit për të aplikuar për mbështetjen e projekteve filmike është 4 maj 2018.

Ndërsa afati i fundit për regjistimin e shtëpive filmike në QKK është 1 maj 2018./Indeksonline/