“Hapja e pikave kufitare në mes të Kosovës dhe Shqipërisë”, rezoluta e GDP-së (Dokument)
Grupit i Deputetëve të Pavarur ka proceduar një rezolutë në Kuvendin e Kosovës për të hapur tërësisht pikat e kontrollit kufitar me Shqipërinë.
Këtë e ka bërë të ditur deputeti Dardan Mulliqaj përmes një postimi në llogarinë e tij në “Facebook”, ku ka bashkangjitur edhe dokumentin.
Sipas këtij dokumenti parashihet që të hapen tërësisht pikat e kontrollit për hyrjen/daljen e shtetasve të Republikës së Kosovës dhe Republikës së Shqipërisë në pikat kufitare si Vërmicë, Qafë Prush dhe Qafë Morinë.
Kjo kërkesë parasheh që të hiqet detyrimi për qytetarët e të dy shteteve për të udhëtuar me letërnjoftim dhe pasaporta./Indeksonline/
Postimi i plotë i Molliqajt:
Rezolutë për hapjen e tërësishme të pikave të kontrollit kufitar me Shqipërisë
Sot, në emër të Grupit të Deputetëve të Pavarur, procedova në Kuvend rezolutën për hapjen e tërësishme të pikave kufitare në mes të Kosovës dhe Shqipërisë.
Nuk duhet të ketë asnjë pengesë për lëvizje të lirë të qytetarëve në mes të dy shteteve tona.