Haradinaj u del në mbrojtje dy zyrtarëve që shkarkoi Kurti, i quan profesionistë

Ish-kryemistri i Kosovës, Ramush Haradinaj, po vazhdon të reagojë në lidhje me vendimin e qeverisë “Kurti”, ku në mbledhjen e sotme u shfuqizua vendimi për rritjen e pagave që u mor në dhjetor të vitit 2017, transmeton Indeksonline.

Madje, sot u shkarkuan edhe koordinatorët nacionalë.

Haradinaj derisa këtë vendim e quajti si të pakuptimtë, përmes një statusi të bërë së fundmi në faqen zyrtare Facebook, thotë se dy profesionistë e pësuan sot nga Qeveria.

Ky është postimi i ish-kryeministrit:

Sot e pësuan dy profesionistë: Drejtori i Doganës z.Bahri Berisha, dhe Koordinatori për ndryshime klimatike dhe çështje të ambientit z.Mendim Rugova.

Për Mendim Rugovën le ta dijnë të gjithë se nuk kishte këtë përgjegjësi vetëm pse është djali i presidentit historik dr.Ibrahim Rugova, por edhe pse është profesionist i zoti.

Ndryshe, Mendim Rugova gjatë detyrës së tij, ka pasur më së paku shpenzime në krahasim me koordinatorët e tjerë. Mbetet të shihet nëse Qeveria e udhëhequr nga Kurti, pjesë e së cilës është edhe LDK-ja, do t’ia bëjë një vend djalit të presidentit historik.