Haradinaj i prekur nga vdekja e nënkryetarit të degës së AAK-së në Dragash
Kryeministri i Republikës, Ramush Haradinaj ka marrë lajmin e pikëlluar sot se ka ndërruar jetë kolegu dhe miku i tyre, Ymredin Krasniqi, ish nënkryetari i Degës së AAK-së në Dragash.
Haradinaj përmes një postimi në “Facebook” ka shprehur ngushëllime të sinqerta familjes, miqve dhe të gjithë kolegëve të Aleancës, transmeton Indeksonline.
Postimi i plotë:
Jam i prekur nga lajmi për vdekjen e hershme të kolegut dhe mikut tonë, Ymredin Krasniqi, nënkryetar i Degës së Aleancës për Ardhmërinë e Kosovës në Dragash.
U shpreh ngushëllime te sinqerta familjes, miqëve dhe të gjithë kolegëve të AAK-së dhe ndaj pikëllimin me ta.
Ymredinin do ta kujtojmë, përherë, si njeri të urtë dhe punëtor e aktivist të palodhshëm.Pusho i qetë miku ynë!RH