Haradinaj me kabinetin qeveritar nderon me qirinj viktimat e 11 shtatorit

Kryeministri i Kosovës, Ramush Haradinaj bashkë bashkëshorten dhe anëtarët e kabinetit qeveritar janë parë në shesh për të nderuar viktimat e sulmit të 11 shtatorit në Amerikë.

Ata kanë ndezur qirinj para Teatrit Kombëtar të Kosovës në shenjë bashkëdhembje me Amerikën për atentatin e kryer me 11 shtator të 2001-ës, transmeton Indeksonline.

Në shesh janë parë edhe shumë qytetarë të tjerë të cilët kanë dalë për tu solidarizuar me viktimat e këtij sulmi.

Ndryshe, sot në mbledhje, Qeveria unanimisht ka miratuar Propozim-vendimin për vendosjen e Memorialit të përhershëm në oborrin e Qeverisë në shenjë nderimi për jetët e humbura të tragjedisë së 11 shtatorit 2001 në SHBA, memorial i cili sipas kryeministrit Ramush Haradinaj është dëshmi e luftës kundër terrorizmit./Indeksonline/