Haradinaj për Contour Global: Nuk janë “Nëna Terezë”, por unë s`po mundem me vjedhë

Kryeministri Ramush Haradinaj në interpelancën e tij për marrëveshjen me “Contour Global” ka thënë se askush nuk mundet të hyjë në marrëdhënie korruptive me këtë kompani.

“Ai nuk është ‘Nëna Terezë’ ‘Contour Global’ është biznes ka ardhur në Kosovë për profit në këtë vend. E dyta po ju siguroj për një çështje nuk e di a ka vjedhë  kush para meje, por me qeta nuk mundesh me hy në marrëdhënie korruptive, nuk është korrupsion”.

“Ata para meje që kanë mundur me vjedhë unë nuk po mundem me hy në kurrfarë marrëdhënie korruptive me këta”, ka thënë ai.

Një nga deputetet e ka pyetur nëse e ka provuar një gjë të tillë ndërsa Haradinaj është përgjigjur.

“Jo nuk kam provuar, por nuk kam mundur se ndoshta këtu po ju dhemb”, ka thënë Haradinaj.