Haradinaj shpreh ngushëllimet për vdekjen e Preniqit
Kryeministri i vendit, Ramush Haradinaj përmes një postimi në Facebook ka shprehur ngushëllimet e tij me rastin e vdekjes së Kryesuesit të Kuvendit Komunal të Obiliqit, Adem Preniqit.
Haradinaj ka thënë se Preniqi ishte një akvitisit i “pandalur” dhe vdekja e tij është humbje për familjen dhe miqtë.
Lexoni më poshtë postimin e plotë të Haradinajt:
Me dhembje mora lajmin për vdekjen e Adem Preniqit, kryesues i Kuvendit Komunal në Obiliq, një njeriu të urtë dhe punëtori të palodhshëm. Ishte aktivist i pandalur në shërbim të komunitetit dhe qytetarëve.
Vdekja e tij është humbje për familjen dhe miqtë, por edhe për institucionin ku veproi.
U shpreh ngushëllime më të dashurve të tij dhe e ndaj pikëllimin me ta.
Le të krenohen me Ademin!
I qoftë i lehtë dheu i Atdheut!