Haradinaj takohet me Yagcilar, diskutohet për administratën publike

Kryeministri i Kosovës, Ramush Haradinaj është takuar me Ministrin e Administratës Publike, Mahir Yagcilar. Temë e diskutimit ka qenë nevoja e reformimit të administratës publike. Pjesë e takimi ka qenë edhe koordinatori nacional për Reforma Shtetërore, Besnik Tahiri, dhe sekretari i Ministrisë së Administratës Publike, Artan Berisha.

“Për të ecur përpara me reformat e gjithanshme, nevoja e reformimit të administratës publike është e rëndësisë së veçantë dhe i jep impuls afrimit të Kosovës me BE-në.

Administrata publike është pasqyra e shtetit dhe për këtë prioritet i Qeverisë është pakoja prej tri projektligjeve për administratën publike, për zyrtarët publik si dhe për pagat.

Në takim me Ministrin e Administratës Publike, Mahir Yağcılar, dhe koordinatorin nacional për Reforma Shtetërore, Besnik Tahiri, u dakorduam që në këtë pako, sidomos ligji për pagat dhe nivelizimin e tyre, duhet të sjellë drejtësi dhe barazi” shkruan Haradinaj në njoftim.