Haradinaj u takua me senatorin Bob Dole, thotë disa fjalë

Kryeministri Ramush Haradinaj ka takuar në Washington senatorin Bob Dole, të cilin e ka quajtur mik që i qëndroi Kosovës pranë në çdo kohë.

Takimin me Dole sipas Haradinajt ishte i jashtëzakonshëm në të cilin sipas tij u diskutuan të arriturat e Kosovës në 10 vjetorin e pavarësisë.

“Një takim i jashtëzakonshëm me mikun që i qëndroi Kosovës pranë në çdo kohë. Senatori Bob Dole, zëri i fuqishëm në Senatin e SHBA’së për Kosovën, kundër shtypjes së popullit të saj dhe përkrahësi më i fuqishëm i lirisë dhe pavarësisë së vendit. Ndamë së bashku të arriturat e Kosovës në dhjetëvjetëshin e pavarësisë dhe biseduam për proceset e përmbylljes së shtetësisë dhe anëtarësimin e vendit në organizatat ndërkombëtare”, shkroi Haradinaj në Facebook.

“SHBA-ja është me Kosovën në çdo hap të saj dhe jemi krenarë për miqësinë e përhershme e vlerat e përbashkëta që ndajmë. Përjetësisht mirënjohës Senatorit Dole që Kosovës i dha shpresën dhe na ndihmoi të jemi krenarë me të. RH”, tha Haradinaj.

Lexo më shumë në: http://www.gazetaexpress.com/lajme/haradinaj-u-takua-me-senatorin-bob-dole-497662/?utm_source=referral&utm_medium=web&utm_campaign=copyright