“Harley-Davidson” largohet nga tregu më i madh i motoçikletave

Brendi ikonik amerikan i motoçikletave, “Harley-Davidson”, do të largohet nga tregu më i madh i motoçikletave në botë, në Indi.

Vendimi i kompanisë vjen pak javë pasi “Toyota” tha se nuk do të zgjerohet më tej në Indi si pasojë e taksave të larta.

Largimi i Harleyt nga India redukton shpenzimet prej 75 milionë dollarësh.

Fabrika e kompanisë ishte hapur më 2011, por brendi kishte ngecur të rivalizonte brendin lokal “Hero” si dhe “Hondan” e Japonisë.

Rreth 17 milionë motoçikleta dhe skuterë shiten çdo vit në Indi.