I dha para një të pastrehu, fiton 200 mijë dollarë në lotari

Një burrë ka fituar 200 mijë dollarë nga një lotari, një ditë pasi i dha para një të pastrehu.

Brandon Sedin u nis të hënën për punë dhe i dha dollarë një njeriu i cili ishte në një cep të rrugës. Pastaj, menjëherë pas këtij akti të mirësisë, Sedin u ndal në një dyqan lokal dhe bleu disa bileta për lotari.

“Unë nuk luaj shpesh, por ndjeva se duhet t’i merrja disa”, tha ai.

Të martën, kur Sedin e gërvishti biletën pa që ka fituar një shumë të madhe të parave, transmeton klankosova. Ai tani ka në plan t’i ruajë ato dhe të investojë.