I dyshuari për krime lufte, po ruhet 24 orë nga Policia e Kosovës (Foto)
I dyshuari për krime lufte në Klinë gjatë kohës së luftës, Milorad Zajic po ruhet 24 orë nga Policia e Kosovës.
Burime të Indeksonline mësojnë se shtëpia e tij e cila gjendet afër stacionit të trenëve në Kline është nën përkujdesje të Policisë së Kosovës.
Zajic ishte arrestuar në muajin mars pasi kishte shkuar në Stacionin e Policisë në Klinë për të raportuar një vjedhje.
Pas arrestimit në Klinë, Zajic ishte bartur në Prishtinë nën dyshimet për kryerje të krimeve të luftës ndaj shqiptarëve në vitet 1998/99.
Banorë të Klinës akuzojnë Zajicin për sjellje kriminale ndaj shqiptarëve, sidomos në vitin e fundit të luftës në Kosovë.
N.M ka thënë për Indeksonline se Milorad Zajic ishte tmerri i shqiptarëve në Klinë në gjatë viteve 1998/99.
“S’ka lanë gjë të zeza pa bërë. Ishte anti-shqiptar i madh, një kriminel modern” ka thënë një banor i Klinës për Indeksonline.
Zajic ishte kthyer së fundi në Kosovë ndërsa për arrestimin e tij kishte reaguar edhe shefi i zyrës për komunitetet në komunën e Klinës, Ranko Kostiq.
Prokuroria në Pejë ka thënë se shpejt pritet të merret vendimi i radhës për Milorad Zajic./Indeksonline/