10:36 / E Premte, 19 Korrik 2019

Ibrahimovic thotë se ndihet si një Ferrari në mesin e Fiat-ëve

Zlatan Ibrahimoviç gjithmonë ka shumë për të thënë.

Sulmuesi i LA Galaxy ka lënë gjurmë edhe në në Shtetet e Bashkuara, si një lojtar në MLS dhe si një personalitet jashtë fushës.

Me 13 gola dhe tre asistime në 16 ndeshje të luajtura këtë sezon, Ibra po paguan për klubin.

Galaxy renditet në vendin e tretë në konferencën perëndimore, megjithëse hendeku i ekipit në krye të renditjes, ndaj rivale të LAFC, është një 12 pikë në 20 ndeshje.

Këto dy skuadra do të takohen të premten në një ndeshje derbi që ka pamjen e një fitoreje të domosdoshme për Galaxy në qoftë se ata duan të mbesin në lojë për play-off.

Ndërsa kjo lojë do të jetë fokusi në fushë për ligën këtë fundjavë, Ibrahimoviç sigurohet se fjalët e tij të kapnin shumë tituj të mediave përpara “El Traficos”.

Në një intervistë me ESPN, 37-vjeçari bëri të qartë edhe një herë hendekun që ai ndjen se ka midis vetes dhe të gjithë atyre që e rrethojnë në MLS.

“MLS nuk është niveli i Evropës, të jemi të sinqertë”, tha ai. “Para meje, kam luajtur me lojtarë ose në nivelin tim ose në afërsi të nivelit tim, gjë që e bën lojën më të lehtë.

“Ja, unë jam si një Ferrari në mesin e Fiat-ëve. Dhe mund të ndodhë që Ferrari mund të bëhet Fiat, ose Fiati mund të bëhet Ferrari.

“Unë e kisha këtë problem edhe me ekipin kombëtar të Suedisë, edhe pse jo kaq shumë. Unë thashë: “Nuk mund ta pranoj këtë, nuk mund ta pranoj kur topi nuk vjen te unë, apo vjen shumë vonë”. Dua që ta të ngrihen në nivelin tim”.

“Lojtari këtu në SHBA mund të bëhet shumë më shpejtë, me taktika shumë më të mirë dhe ndeshja të jetë shumë më ritmike”. /IndeksOnline/