Identifikohen rriqra që mund të bartin infeksionin që dëmton trurin

Një sëmundje infektive që mund të dëmtojë trurin dhe përhapet tek njerëzit nga kafshimet e rriqrave është identifikuar në rriqrat në Mbretërinë e Bashkuar për herë të parë.

Public Health England (PHE) thotë se ka konfirmuar raste të virusit të encefalitit te rriqrat në dy pjesë të Anglisë – Thetford Forest dhe një zonë në kufirin Hampshire-Dorset.

PHE thotë se rreziku për njerëzit është ende “shumë i ulët”.

Por po e monitoron situatën për të parë se sa të zakonshëm mund të jenë rriqrat e infektuar.