14:26 / E Enjte, 10 Nëntor 2022 / Andronika

Instagram prezanton mënyra të reja për identifikimin e moshës

Instagram-i ka sjellë një mori ndryshimesh dhe rishtazi, edhe në identifikimin e moshës së përdoruesve.

Këto ndryshime u aplikuan më 7 nëntor për përdoruesit e aplikacionit Instagram në Mbretërinë e Bashkuar dhe Europë.

Në rast se përpiqen të ndryshojnë ditëlindjen duke e kaluar kufirin nga nën 18 vjeç, në moshën adulte, do u duhet të verifikojnë moshën përmes kartës së identitetit ose një video të qartë “selfie”, për të verifikuar personin në foton e ID-së.

Nëse nuk dërgohet kjo video “selfie”, atëherë përdoruesi nuk do të mund të hyjë në llogarinë personale në Instagram dhe nëse nuk ndërmerret asnjë veprim për 30 ditë, llogaria do të çaktivizohet.

E gjitha kjo bëhet për të shmangur mashtrimet për moshën e përdoruesit, apo përdorimin e kartës së identitetit të dikujt tjetër.

Instagram është shprehur se kjo do ta ndihmojë aplikacionin ta përshtatë përvojën dhe kontentin e postimeve me moshën e përdoruesve.