Inter vendos Perisic në shitje

Testi i parë parasezonal kundër Manchester United zbuloi pamundësinë e kroatit, Ivan Perisic për të luajtur në formacionit 3-5-2. Ky është një tjetër problem për Interin, të cilët tashmë kanë të bëjnë me rastet Icardi dhe Nainggolan dhe me trajnerin i cili nuk e ka fshehur pakënaqësinë e tij me një fushatë të “transferimit të ngadaltë” të tregut.

Në orët e ardhshme, Marotta dhe Ausilio do të arrijnë në Nanjing, bazën operative të Suning-it, në përpjekje për të zhbllokuar ardhjen e të paktën një sulmuesi midis Dzeko dhe Lukaku, por ata ndoshta do të përballen edhe me pasojat e pakënaqësisë së Conte, me trajnerin i cili kërkon një mbrojtës të majtë, raporton CalcioMerkato, përcjellë Indeksonline.

Asamoah vetëm nuk është i mjaftueshëm, duke pasur parasysh se Dalbert, i vendosur dje kundër Djajve të kuq, është në rrugën e tij jashtë klubit. Matteo Darmian është një emër që u intereson nerazzurëve. Emra të tjerë, sipas Tuttosport, janë Emerson Palmieri i Chelsea dhe Aleksandar Kolarov i Romës, të cilët mund të gjejnë më pak hapësirë ​​në kryeqytet pas mbërritjes së Spinazzolës./Indeksonline/