Ismet Munishi: Toverlani të bëhet Ministër i Mbrojtjes
Ballkani dhe Feronikeli kanë luajtur pa gola në ndeshjen gjysmëfinale të Kupës së Kosovës që u zhvillua në Suharekë.
Pas ndeshjes, trajneri vendas, Ismet Munishi ka thënë se kundërshtari i tij u mbrojt shumë mirë ku me shaka e ka propozuar Toverlanin si Ministër të Mbrojtjes.
“E kemi ditur, Feronikeli është një kampion në fuqi dhe të vetmen mundësi që në Evropë të dalin përmes kupës. Ne patëm fat pasi që mund të ishim ndëshkuar. Ne e patëm posedimin dhe iniciativën“, ka thënë Munishi.
“Feronikeli u mbrojt shumë mirë ta shohim a do të mbrohet edhe në Drenas. Kështu Toverlanin duhet ta bëjmë ministër të mbrojtjes në qeverinë e re“, tha ndër të tjerash trajneri i Ballkanit.
Ndeshja e kthimit do të zhvillohet në Drenas me 17 qershor. /IndeksOnline/