Istogu e zbulon një supertalent,16 vjeçari Mulaj që po zë vend në skuadrën e parë
Istogu ka qenë vatër e shumë talentëve në të kaluarën.
Por nga tani e tutje mund të llogaris në shërbimet e një djaloshi që premton shumë.
Erlind Mulaj është emri i 16 vjeçarit që po shkruan historinë me skuadrën simpatike nga Dukagjini.
Sulmuesi këmbëshpejt dhe me goditje të fuqishme ka zënë vend në skuadrën e parë të trajnerit Fisnik Gashi.
Në tri ndeshje të këtij sezoni, 16 vjeçari ka startuar në skuadrën e parë të Istogut, ndërsa ndaj liderit të ligës, Rahovecit, ka shënuar një gol.
Madje Mulaj është pjesë e U19-shave të Istogut të cilët janë lider në ligë dhe se ai mbanë kreun e rënditjes si golashënuesi më i mirë.
Mulaj ka stërvitur edhe me grupmoshat e Kosovës por që çuditërisht ende s’ka marrë ftesën. /Indeksonline/