Ja ku mund t’i blini biletat e tribunës së “Dardanëve”

Nga sot do të dalin në shitje biletat për ndeshjen e Ligës së Kombeve që Kosova takohet me Maltën.

Bileta do të ketë edhe për tifozët ultras “Dardanët” që do të jenë në tribunën veriore mbrapa golit.

Më poshtë është informacioni se ku mund t’i blini këto bileta:

Të dashur Dardanë, nga sot ju keni mundësinë të pajiseni me biletë për ndeshjën e së enjtës kundër Maltës në kuadër të “Ligës së Kombeve” ku Kosova renditet e para me 4 pikë të grumbulluara.

Ne jemi të vendosur në Tribunën veriore(mbrapa golit) ku cmimi për një biletë kushton 2,00 Euro, ndërsa për tifozët e antarësuar bileta është gratis.

Kundër Maltës kërkojmë vetëm 3 pikë. Djelmoshat tanë kanë nevojë për pëkrahjen tonë. Djemtë e Kosovës e meritojnë.
Ftojmë të gjithë futbolldashësit, të jemi së bashku të enjtën në Prishtinë në stadiumin “Fadil Vokrri”.
Të kënaqemi me fitorën dhë ti brohorisim Kosovës sonë.