Ja si i vidhet kosovarit vetura në Shqipëri
Një kosovari i është vjedhur vetura të shtunën pasdite në aksin rrugor Milot-Rrëshen.
Dy persona të paidentifikuar e kishin gjetur veturën e ndezur pasi pronari i saj kishte dalë për të blerë ujë, transmeton Indeksonline.
“Më datë 16.12.2017, rreth orës 18.30, në aksin rrugorë Fushë Milot-Rrëshen, dy persona të paidentifikuar, pasi kanë gjetur të ndezur e të hapur mjetin e shtetasin F.K., vjeç 49, banues në Kosovë, kanë marrë mjetin tip “Volksëagen” dhe janë larguar. Drejtuesi i automjetit kishte ndaluar për të blerë ujë dhe e kishte lënë mjetin ndezur”, thuhet në njoftimin e Policisë së Shtetit.
Policia është duke punuar në identifikimin dhe kapjen e autorëve./Indeksonline/