Ja si u lëndua në banesën e saj Nexhmije Pagarusha

Bilbili i muzikës shqiptare, Nexhmije Pagarusha është dërguar sonte në Emergjencën e QKUK-së në gjendje të rëndë shëndetësore.

Këtë e konfirmoi për Indeksonline zëdhënësi i QKUK-së, Shpend Fazliu, sipas të cilit, ikonës së muzikës i është dhënë ndihma mjekësore dhe është dërguar në Radiologji.

“Zyra e informimit QKUK, ju konfirmon se pacientja N.P, ka kërkuar ndihmë mjekësore si pasojë e lëndimeve që ka marrë në shtëpi. Është dhënë ndihma mjekësore në kuadër të klinikës emergjente dhe është jashtë rrezikut për jetë. Janë duke vazhduar ekzaminimet tjera diagnostike në kliniken e radiologjisë në QKUK”, ka thënë Fazliu.

Mirëpo, burime të Indeksoline kanë treguar se çka ndodhi që Pagarusha u detyrua të shtrihej në spital.

Sipas tyre, Pagarushës i ka rënë në shpinë një dollap dhe e ka lënduar.

Kujtojmë se ekipet mjekësore të Emergjencës sonte në mbrëmje e morën Pagarushën nga banesa e saj në Ulpianë. /Indeksonline/