Jeton në Suedi, dikush i hyri në shtëpi dhe i vuri zjarrin
Persona të panjohur janë futur në një shtëpi në Ferizaj dhe qëllimisht dyshohet se ja ka vënë zjarrin.
Pronari i shtëpisë jeton në Suedi dhe familjarët e tij me të kuptuar se çfarë po ndodhë kanë thirrur policinë.
Rasti ka ndodhur të mërkurën rreth orës 13:00 në rrugën “Ismajl Rama”, transmeton IndeksOnline.
“Ankuesi mashkull kosovar ka informuar se në shtëpinë e vëllait të tij, viktimës mashkull kosovar, persona të pa njohur kanë depërtuar me forcë, e më pas i kanë vënë zjarrin. Zjarrfikësit kanë shuar zjarrin. Viktima jeton në Suedi”, thuhet në njoftimin e policisë.
Rasti është duke u hetuar nga njësitet përkatëse të policisë së Kosovës./IndeksOnline/