“Ju pres në koncert”, këngëtari zbulon se vuan nga sëmundja e kancerit

Këngëtari amerikan, Mark Hoppus i grupit ‘Blink-182’, përmes rrjeteve sociale ka zbuluar se vuan nga sëmundja e kancerit.

Ai u shpreh se qëndron me shpresë që sërish do t’i pres në koncert, transmeton Indeksonline.

“Kjo është vërtet e rëndë. Unë kam kancer ”, ka shkruar këngëtari në Twitter. “Jam i frikësuar, por në të njëjtën kohë jam i bekuar me mjekë të mahnitshëm dhe familjen dhe miqtë e mi që janë afër meje. Kam akoma shumë muaj për të bërë sa i përket trajtimeve, por po përpiqem të qëndroj me shpresë dhe pozitive dhe të pres të jem ‘i pastër’ dhe t’i shoh të gjithë përsëri në një koncert. Ju dua ”, tha Hoppus, i cili ka kaluar nëpër kimioterapi për tre muajt e fundit.

Nuk dihet se çfarë lloji të kancerit ka Hoppus dhe në cilën fazë është aktualisht.

Tifozët e bendit tashmë ishin të shqetësuar për të pasi ai më parë postoi një foto në Instagram Stories nga një spital me tekstin: “Oh, hello. A mund të bëj trajtim kanceri nga ju, ju lutem? “

Këngëtari e fshiu shpejt foton, para se të bënte deklaratën e tij zyrtare./Indeksonline/